ഭാരത് ഇല്ട്രോണിക്‌സില്‍ 86 ഒഴിവ്; എന്‍ജിനീയറിങ് ബിരുദക്കാര്‍ക്ക് അപേക്ഷിക്കാം

പ്രതിരോധമന്ത്രാലയത്തിന് കീഴിൽ പ്രവർത്തിക്കുന്ന ഭാരത് ഇലക്ട്രോണിക്സിൽ വിവിധ തസ്തികകളിലായി 86 ഒഴിവ്. കരാർ നിയമനമായിരിക്കും. ഓൺലൈനായി അപേക്ഷിക്കണം. കേരളത്തിൽ അഞ്ച് ഒഴിവുണ്ട്.

തസ്തിക, ഒഴിവുകളുടെ എണ്ണം, യോഗ്യത, പ്രായപരിധി എന്ന ക്രമത്തിൽ.

കേരളം
ട്രെയിനി എൻജിനീയർ-I-5 :ഇലക്ട്രോണിക്സ്/ഇലക്ട്രോണിക്സ് ആൻഡ് കമ്യൂണിക്കേഷൻ/ഇ ആൻഡ് ടി/ടെലികമ്യൂണിക്കേഷൻ/ഇ.ഇ.ഇ. ബി.ഇ./ബി.ടെക്. ആറുമാസത്തെ പ്രവൃത്തിപരിചയം ഉണ്ടായിരിക്കണം. പ്രായപരിധി: 25 വയസ്സ്.

മുംബൈ, ബെംഗളൂരു
ട്രെയിനി എൻജിനീയർ-I-20 : ഇലക്ട്രോണിക്സ്/ഇലക്ട്രോണിക്സ് ആൻഡ് കമ്യൂണിക്കേഷൻ/ഇ ആൻഡ് ടി/ടെലികമ്യൂണിക്കേഷൻ/ഇ.ഇ.ഇ. ബി.ഇ./ബി.ടെക്. ഒരു വർഷത്തെ പ്രവൃത്തിപരിചയം ഉണ്ടായിരിക്കണം. പ്രായപരിധി: 25 വയസ്സ്.
പ്രോജക്ട് എൻജിനീയർ-I-40 :ഇലക്ട്രോണിക്സ്/ഇലക്ട്രോണിക്സ് ആൻഡ് കമ്യൂണിക്കേഷൻ/ഇ ആൻഡ് ടി/ടെലികമ്യൂണിക്കേഷൻ/ഇ.ഇ.ഇ. ബി.ഇ./ബി.ടെക്. രണ്ടുവർഷത്തെ പ്രവൃത്തിപരിചയം ഉണ്ടായിരിക്കണം. പ്രായപരിധി: 28 വയസ്സ്

ഗാസിയബാദ്

പ്രോജക്ട് എൻജിനീയർ-I-21 (ഇലക്ട്രോണിക്സ് കമ്യൂണിക്കേഷൻ എൻജിനീയറിങ്-8, കംപ്യൂട്ടർ സയൻസ്-13)

യോഗ്യത:ബന്ധപ്പെട്ട വിഷയങ്ങളിലെ ബി.ഇ./ബി.ടെക്./ബി.എസ്സി. രണ്ടുവർഷത്തെ പ്രവൃത്തിപരിചയം. പ്രായപരിധി: 28 വയസ്സ്.

വിശദവിവരങ്ങൾക്ക് www.bel-india.inഎന്ന വെബ്സൈറ്റ് കാണുക. കേരള, ബെംഗളൂരു എന്നിവിടങ്ങളിലെ ഒഴിവിലേക്ക് അപേക്ഷ സ്വീകരിക്കുന്ന അവസാന തീയതി: ഓഗസ്റ്റ് 2. ഗാസിയാബാദിലേക്ക് അപേക്ഷിക്കാനുള്ള അവസാന തീയതി: ഓഗസ്റ്റ് 17.